Réamhrá
San aonad seo, fiosróidh na daltaí na hacmhainní go léir atá ar fáil dóibh, mar aon leis na cinntí gur gá a dhéanamh nuair atá na hacmhainní seo á n-úsáid chun a riachtanais agus mianta a shásamh. Fiosróidh siad foinsí ioncaim freisin, a thabharfaidh tuiscint dóibh ar chatagóirí ioncaim éagsúla.
Torthaí foghlamaRáiteas 1.1
Ba chóir go mbeadh sé ar chumas an scoláire athbhreithniú a dhéanamh ar na hacmhainní pearsanta atá ar fáil dó chun freastal ar a chuid riachtanas agus mianta agus anailís a dhéanamh ar an méid a imríonn sásamh na riachtanas agus na n-éileamh sin tionchar ar dhaoine aonair agus ar an tsochaí.
Ráiteas 1.2
Ba chóir go mbeadh sé ar chumas an scoláire foinsí ioncaim agus caiteachais a shainaithint agus a rangú, comparáid a dhéanamh idir na roghanna atá ar fáil chun an bainistiú is fearr a dhéanamh ar acmhainní airgeadais, measúnú a dhéanamh ar na rioscaí a bhaineann le gach rogha acu agus breithiúnais eolacha agus fhreagracha a dhéanamh.
Ceacht 1
Tógann an ceacht seo ar an ábhar atá clúdaithe in Aonad 1 – Riachtanais agus Mianta. Fiosróidh na daltaí na hacmhainní go léir atá ar fáil dóibh, mar aon leis na cinntí gur gá a thógáil nuair atá na hacmhainní seo á n-úsáid chun a riachtanais agus mianta a shásamh.
Tosaigh le seisiún tobsmaointeoireachta, ag díriú ar cad is acmhainn/acmhainní ann. Tabhair sainmhíniú más gá. Mar shampla, rud éigin a chabhraíonn leat riachtanas nó mian a shásamh. Déan forbairt ar an bplé seo agus fiosraigh na hacmhainní difriúla atá ar fáil ag na daltaí sa rang.
Gníomhaíocht 1:
- Mínigh don rang go mbeidh siad ag smaoineamh faoi na foinsí éagsúla ioncaim a bhíonn acu. Nó i bhfocail eile, cad as a dtagann an t-airgead a fhaigheann siad?
- Roinn an rang i ngrúpaí beaga.
- Iarr orthu an cheist seo a phlé: “Cad as a dtagann an t-airgead a bhíonn ag daoine óga”?
- Roinn leathanach bán leo agus iarr orthu a dtuairimí a bhreacadh síos i liosta.
- Ansin, nuair atá liosta déanta, iarr orthu an t-eolas seo a chur le chéile i gcairt oiriúnach – d’fhéadfaí píchairt nó barrachairt a úsáid.
- Iarr ar na grúpaí éagsúla a gcairteacha a thaispeáint agus a chur i láthair don rang
Ceacht 2
Déanann an ceacht seo tuilleadh forbartha ar an ábhar atá clúdaithe in Aonad 1 – Riachtanais agus Mianta. Iarrfar ar dhaltaí súil siar a chaitheamh ar na riachtanais agus mianta a tháinig chun cinn san aonad sin agus machnamh a dhéanamh ar na hacmhainní difriúla atá ar fáil dóibh chun na riachtanais agus mianta sin a shásamh. Ba cheart go mbeadh na daltaí ar an eolas ón bplé i gceacht 1, gurb éard atá i gceist le hacmhainn ná rud éigin a chabhraíonn leat riachtanas nó mian a shásamh.
Gníomhaíocht 1:
- Tosaigh plé oscailte a chabhróidh le daltaí machnamh breise a dhéanamh ar a riachtanais agus mianta.
- Iarr orthu machnamh a dhéanamh ar na hacmhainní atá ar fáil chun na riachtanais agus mianta seo a shásamh.
- Meabhraigh do na daltaí go bhfuil tuilleadh acmhainní ar fáil seachas acmhainní airgeadais.
- Déan tagairt do na hacmhainní daonna atá ar fáil dóibh, mar aon leis na hacmhainní nádúrtha. Mar shampla, más mian leo post páirtaimseartha a fháil, an bhfuil na scileanna agus na tréithe acu le tabhairt faoi?
- Roinn an bhileog thíos orthu agus tabhair deis dóibh í a líonadh ina n-aonar ar dtús báire.
- Nuair atá an bhileog líonta, tabhair deis dóibh a bhfreagraí a phlé i mbeirteanna, agus ansin mar rang.
Ceacht 2 Gníomhaíocht
Ceacht 3
Cabhróidh an ceacht seo le tuiscint a fhorbairt ar na hacmhainní éagsúla atá ar fáil dúinn. Chomh maith leis sin, cabhróidh sé le tuiscint a fhorbairt ar na cinntí gur gá a dhéanamh nuair atá na hacmhainní seo a n-úsáid chun ár riachtanais agus mianta a shásamh.
Gníomhaíocht 1:
Tosaigh le seisiún tobsmaointeoireachta, ag díriú ar cad is acmhainn/acmhainní ann.
Tabhair sainmhíniú más gá. Mar shampla, rud éigin a chabhraíonn leat riachtanas nó mian a shásamh.
Déan forbairt ar an bplé seo agus fiosraigh na hacmhainní difriúla atá ar fáil ag na daltaí sa rang.
Cás Staidéar – Michelle
Roinn an cás-staidéar thíos ar na daltaí go léir agus léigh é mar rang.
Ansin, roinn na daltaí i ngrúpaí beaga agus iarr orthu é a léamh le chéile arís.
Nuair atá siad ag léamh tríd, iarr orthu machnamh agus plé a dhéanamh ar na ceisteanna seo thíos:
- Cad iad na hacmhainní difriúla atá ar fáil ag Michelle?
- An bhfuil leas á bhaint aici astu?
- Cén moladh nó treoir a thabharfá di?
Déan plé mar rang ar an aiseolas a thagann chun cinn.
