Ciontú cairtéil suntasach, níos mó ná 276,000 táirge bainte, agus cigireachtaí suas 31% - Foilsíonn CCPC a Thuarascáil Bhliantúil 2025
D'fhoilsigh an Coimisiún um Iomaíocht agus Cosaint Tomhaltóirí (CCPC) a Thuarascáil Bhliantúil 2025, ina sonraítear bliain shuntasach ina ndearnadh ciontú mór cairtéil, inar ionchúisíodh ceithre mhiondíoltóir aitheanta as dlíthe praghsála a bhriseadh, ar méadú 31% é sin ar chigireachtaí cosanta tomhaltóirí agus níos mó ná 276,000 táirge neamhshábháilte nó neamhchomhlíontach a baineadh nó ar cuireadh cosc orthu dul ar mhargadh na hÉireann.
I measc na bpríomhbhuaiceanna ó 2025 tá:
- Ciontú cinniúnach cairtéil, agus cúig oibreoir bus scoile ciontaithe as camastaíl imthairisceana i dtairiscint phoiblí
- 10 ruathar maidine mar chuid d'imscrúduithe leanúnacha cairtéil
- €350,000 in aisíocaíochtaí faighte le haghaidh níos mó ná 4,000 custaiméir daa
- Rinneadh níos mó ná 276,000 táirge neamhshábháilte agus neamhchomhlíontacha a aisghairm, a tharraingt siar nó a chosc ó thomhaltóirí a shroicheadh
- 270 cigireacht ar chosaint tomhaltóirí déanta, suas 31% in 2024, agus cúig ionchúiseamh rathúla bainte amach
Tar éis imscrúdú CCPC, chiontaigh giúiré ón bPríomh-Chúirt Choiriúil d’aon toil cúig oibreoir phríobháideacha bus agus tacsaí as camastaíl imthairisceana i dtairiscint iompair scoile arna maoiniú go poiblí. Ba chloch mhíle mhór é an fíorasc d’fhorfheidhmiú dhlí na hiomaíochta in Éirinn, agus tá an dara tráinse cásanna sceidealaithe níos déanaí i mbliana. Le taighde idirnáisiúnta a thugann le fios gur féidir le camastaíl tairiscintí costais soláthair phoiblí a mhéadú idir 20% agus 30%, lean CCPC de bheith ag tacú le cumhachtaí nua lena gceadaítear scagadh a dhéanamh ar shonraí soláthair phoiblí le haghaidh iompraíocht cairtéil, agus tá coinne leis go mbeidh reachtaíocht ann roimh dheireadh na bliana. Rinne CCPC 10 gcuardach gan réamhfhógra (ruathair mhaidine) freisin mar chuid d’imscrúduithe leanúnacha cairtéil an fhorais faire.
Lean CCPC le córas nua forfheidhmithe iomaíochta riaracháin na hÉireann a chur i bhfeidhm, agus ceapadh Príomhoifigeach Breithnithe agus 17 n-oifigeach breithnithe, rud a chuir ar chumas CCPC smachtbhannaí airgeadais a fhorchur as sáruithe ar dhlí iomaíochta na hÉireann agus an AE, rud atá ina chloch mhíle shuntasach don iomaíocht in Éirinn.
Agus é ag leanúint de phróiseas láidir athbhreithnithe cumaisc a fhorbairt, thug an Coimisiún 91 chinneadh cumaisc chun críche le linn 2025, lenar deimhníodh gealltanais i gcúig chás chun aghaidh a thabhairt ar ábhair imní maidir le hiomaíocht ar fud na bpríomhearnálacha. Tháinig méadú beagnach 10% ar fhógraí cumaisc ó 2024 agus, tar éis abhcóideacht CCPC, tháinig tairseacha méadaithe maidir le fógra cumaisc i bhfeidhm an 1 Iúil 2026.
Tháinig méadú suntasach freisin ar fhorfheidhmiú na cosanta tomhaltóirí, agus tháinig méadú 31% ar chigireachtaí. Fuair CCPC cúig ionchúiseamh rathúla, lena n-áirítear na chéad chásanna a tógadh faoi dhlíthe nua praghsála díolacháin, i gcoinne miondíoltóirí móra lena n-áirítear Boots, Lifestyle Sports, DID Electrical Appliances agus Rathwood Home & Garden. Leanann CCPC de bheith ag tacú le cumhachtaí níos láidre agus fáiltíonn sé roimh an mBille atá le teacht ón Rialtas lena dtabharfar cumhachtaí nua do CCPC chun fíneáil a ghearradh ar ghnólachtaí as sáruithe ar dhlí na dtomhaltóirí. Chomh maith leis sin, fuair an Coimisiún €350,000 in aisíocaíochtaí ó daa le haghaidh níos mó ná 4,000 tomhaltóir a ndearnadh rómhuirearú orthu le linn 'reiceanna gan choinne' le haghaidh carrchlós ag Aerfort Bhaile Átha Cliath.
Ba thosaíocht fós í sábháilteacht táirgí fós le linn 2025, agus rinneadh 276,377 dtáirge neamhshábháilte nó neamhchomhlíontacha a aisghairm, a bhaint nó a chosc ó mhargadh na hÉireann tar éis gearáin ó thomhaltóirí, tarchuir ó líonraí Eorpacha, imscrúduithe réamhghníomhacha agus oibriú le Custaim na gCoimisinéirí Ioncaim. I measc na n-aisghairmeacha móra bhí níos mó ná 120,000 caidéal sreabhaí athfhilltí agus beagnach 60,000 aerfhriochtóir a chruthaigh rioscaí tromchúiseacha sábháilteachta do thomhaltóirí.
Rinne CCPC ionadaíocht ar leasanna tomhaltóirí freisin trí thuarascálacha taighde a fhoilsiú le moltaí don Rialtas maidir le rochtain níos fearr ar stair gluaisteáin agus trédhearcacht mhéadaithe sa phróiseas ceannaigh tí.
Is mar a leanas a labhair Cathaoirleach CCPC, Brian McHugh:
"Bhí bliain chinniúnach ag CCPC in 2025. Léiríonn ciontú cúig oibreoir bus scoile as camastaíl imthairisceana ár dtiomantas dul i ngleic le sáruithe tromchúiseacha ar dhlí na hiomaíochta agus cáiníocóirí, gnólachtaí agus tomhaltóirí a chosaint ar an díobháil shuntasach a dhéanann cairtéil.
“Táimid tiomanta an raon iomlán cumhachtaí atá ar fáil dúinn a úsáid agus mhéadaíomar ár ngníomhaíocht forfheidhmithe anuraidh, idir imscrúduithe cairtéil agus ionchúisimh dlí tomhaltóirí agus idirghabhálacha móra sábháilteachta táirgí. Agus uirlisí forfheidhmithe níos láidre á moladh againn le fada an lá, fáiltímid roimh thiomantas an Rialtais cumhachtaí méadaithe a chur ar fáil do CCPC a chuirfidh ar ár gcumas torthaí níos fearr fós a bhaint amach le haghaidh tomhaltóirí.
“Leanfaimid de thús áite a thabhairt d’obair a choinníonn margadh na hÉireann oscailte agus iomaíoch agus a thugann an tionchar is mó do thomhaltóirí na hÉireann.”
Chun tuilleadh eolais a fháil léigh Tuarascáil Bhliantúil 2025 CCPC.
Léigh faoin Thuarascáil Bhliantúil i mBéarla.
