Bailiúchán de ghearrfhíseáin agus acmhainní ranga comhlántacha, arna bhforbairt ag an CCPC i gcomhairle le hOide, chun tacú le múineadh CBL, Ús ar iasachtaí agus úis chomhdhlúite i Matamaitic na Sraithe Sóisearaí.
Tá bileog ghníomhaíochta do scoláirí agus gluais téarmaí ag gabháil le gach físeán.
Cáin Bhreisluacha (CBL)
Mínítear san fhíseán seo príomhchoincheapa CBL agus léirítear ann conas an praghas glan, an praghas comhlán agus CBL a ríomh, trí mhínithe soiléire agus samplaí oibrithe. Mínítear ann freisin na rátaí éagsúla CBL a bhaineann le táirgí agus seirbhísí éagsúla agus conas a chuidíonn ioncam ó CBL le seirbhísí poiblí a mhaoiniú.
Acmhainní físeáin CBL
Bileog oibre do mhic léinn: Tacaíonn an acmhainn seo le scoláirí a dtuiscint ar CBL a fhorbairt trí ghníomhaíochtaí ríofa, gníomhaíochtaí breise agus ceisteanna plé. Cuidíonn na gníomhaíochtaí seo le scileanna litearthachta airgeadais agus uimhearthachta a fhorbairt.
Mínítear san fhíseán seo cad is iasacht ann, cén fáth a n-íoctar ús, na tosca a mbíonn tionchar acu ar chostas iasachta, conas costas iasachta a ríomh agus conas rátaí úis agus iasachtaí a chur i gcomparáid.
Acmhainní físeáin Ús ar iasachtaí
Bileog oibre do mhic léinn: Dearadh an acmhainn seo chun cabhrú le scoláirí roghanna éagsúla iasachta a chur i gcomparáid agus costas iasachta a mheas. Tugann na gníomhaíochtaí ríofa, na cásanna samplacha agus na ceisteanna plé deis do scoláirí cur lena dtuiscint ar iasachtaí.
Cuidíonn an físeán seo le scoláirí tuiscint a fháil ar ús comhdhlúite agus ar an gcaoi a bhfásann airgead le himeacht ama. Mínítear ann an difríocht idir ús simplí agus ús comhdhlúite, léirítear conas ús comhdhlúite a ríomh, agus mínítear an tábhacht a bhaineann le hús comhdhlúite i gcás coigilteas fadtéarmach.
Acmhainní físeáin Ús chomhdhlúite
Bileog oibre do mhic léinn: Tugann an acmhainn seo deis do scoláirí a dtuiscint ar ús comhdhlúite a fhorbairt trí ghníomhaíochtaí ríofa, gníomhaíochtaí breise agus ceisteanna plé. Tá sé deartha chun cabhrú le scoláirí tuiscint a fháil ar an gcaoi a bhfásann airgead le himeacht ama, conas foirmle an úis chomhdhlúite a úsáid, agus na buntáistí a bhaineann le coigilteas fadtéarmach a thuiscint.
