Eacnamaíocht bhaile

Cad é Ábhair Airgid?

Is Ábhair Airgid chomhthionscnamh idir an Coimisiún um Iomaíocht agus Cosaint Tomhaltóirí (CCPC) agus an Chomhairle um Oideachas Gaeltachta agus Gaelscolaíochta (COGG). Is láthair é seo inar féidir teacht ar acmhainní a bheidh cabhrach do mhúinteoirí iar-bhunscoile i ranganna atá ag tabhairt faoin Eacnamaíocht Bhaile sa tSraith Shóisearach.

Tá ceithre roinn san aonad gur féidir a úsáid mar aonad amháin, nó mar chuid d’aonad foghlama a bheadh déanta in éineacht le torthaí foghlama eile ón tsonraíocht.

Tabharfar aird faoi leith ar acmhainní pearsanta an scoláire, tabharfar deis do na scoláirí a scileanna cinnteoireachta a úsáid, agus cabhrófar leo an leas is fearr a bhaint as na hacmhainní seo ar bhonn laethúil. Aithneofar cineálacha éagsúla ioncaim agus caiteachais, a fhorbróidh tuiscint airgeadais na scoláirí. Pléifear cearta agus freagrachtaí an tomhaltóra freisin.

‘Is é an aidhm atá i gceist in Eacnamaíocht Bhaile ná eolas, meonta, tuiscint, scileanna agus luachanna an scoláire a fhorbairt chun maireachtáil barr feabhais, fholláin agus inbhuanaithe a bhaint amach do gach duine mar dhuine aonair, agus mar bhall de theaghlaigh agus den tsochaí. Cothaíonn Eacnamaíocht Bhaile acmhainneacht, nuálaíocht, inoiriúnaitheacht agus inniúlacht an scoláire mar thomhaltóir.’ (Eacnamaíocht Bhaile na Sraithe Sóisearaí, lch 5)

Tá an t-aonad foghlama seo deartha sa tslí gur féidir tógáil ar reámhfhoghlaim na ndaltaí, gur féidir eolas agus tuiscint a fhorbairt ina thuilleadh staidéir, agus b’fhéidir chun naisc a chothú le réimsí foghlama in ábhair eile.

Leigh níos mó san sonraíocht iomlán eacnamaíocht bhaile. Tá an cúrsa iomlán againn ar  OneNote.